E tapatahi ana a Ngāti Whātua Ōrākei ki te whakawhanaketanga o ngā uri o Tuperiri o nāianei, o anamata hoki. Mā te kōkiri i a Toi Tupu, he kaupapa penapena me te haumi, me tētahi hōtaka whakawhanake moni, e tūmanako ana ka tupu tētahi ahurea penapena me te haumi i waenganui i te hapū. Ki te piri mai koe, ka kite koe i ō moni e tupu ana i te taha o ngā rawa o te hapū me te whanake o tō māramatanga me ō mātauranga penapena me te moni.
Ko te kōkiritanga o tēnei hōtaka e hāngai ana ki te tirohanga whānui o Ngāti Whātua Ōrākei – Kia Rere Arorangi te Kāhu Pōkere ki ngā taumata tiketike. E hāngai ana hoki ki ngā mātāpono o te tino rangatiratanga, te mana taurite, te kotahitanga me te kaitiakitanga. Kei a koe te tikanga mēnā rānei koe ka whai i a Toi Tupu. Engari, ko tō mātou tūmanako, ka āta whakaarotia e koe tēnei kaupapa, ā, mēnā e tika ana mōu, ka whāia e koe, ā, ka puta he hua ki a koe.